امریکا ایران کشیدگی: عالمی منڈی میں خام تیل کی قیمتوں میں بڑا  اضافہ

امریکا اور ایران کے درمیان بڑھتی ہوئی سیاسی و عسکری کشیدگی کے باعث عالمی منڈی میں خام تیل کی قیمتوں میں اضافے کا سلسلہ تیز ہو گیا ہے۔ تناؤ کی اس نئی لہر نے عالمی توانائی مارکیٹ کو بری طرح متاثر کیا ہے جس کی وجہ سے خام تیل کی تمام بڑی اقسام کی قیمتیں یکدم بڑھ گئی ہیں۔

عالمی مارکیٹ کے تازہ ترین اعداد و شمار کے مطابق، مربن خام تیل کی قیمت میں ساڑھے 7 فیصد کا نمایاں اضافہ ریکارڈ کیا گیا ہے، جس کے بعد یہ 118 ڈالر فی بیرل کی سطح پر فروخت ہو رہا ہے۔ اس کے علاوہ، برینٹ خام تیل کی قیمت بھی 3 ڈالر کے اضافے کے ساتھ 101 ڈالر فی بیرل تک پہنچ گئی ہے، جبکہ ڈبلیو ٹی آئی (WTI) خام تیل کی قیمت میں 1 ڈالر کا اضافہ ہوا ہے اور وہ 97 ڈالر فی بیرل کی سطح پر آ گیا ہے۔ معاشی ماہرین کا کہنا ہے کہ اگر دونوں ممالک کے درمیان کشیدگی کم نہ ہوئی تو آنے والے دنوں میں قیمتوں میں مزید ریکارڈ اضافہ دیکھا جا سکتا ہے۔