شاہ رخ خان چاہتے تو مزید شادیاں کر سکتے تھے، انہوں نے ہمیشہ وفا نبھائی: گوری خان

ممبئی: بالی وڈ کے بادشاہ اور سپر اسٹار شاہ رخ خان کی اہلیہ و معروف انٹیریئر ڈیزائنر گوری خان نے اپنے شوہر کی وفاداری اور مخلص طبیعت کی کھل کر تعریف کی ہے۔ ایک حالیہ انٹرویو کے دوران گوری خان کا کہنا تھا کہ شاہ رخ خان اپنی بے پناہ شہرت، مقبولیت اور کامیابی کے باعث اگر چاہتے تو مزید شادیاں بھی کر سکتے تھے، لیکن انہوں نے ہمیشہ اپنی شادی شدہ زندگی کو اولیت دی اور سچی محبت نبھائی۔

گوری خان نے اپنے تاثرات کا اظہار کرتے ہوئے مزید کہا کہ شاہ رخ خان نے کبھی کسی دوسری عورت کی طرف نظر اٹھا کر بھی نہیں دیکھا اور ہمیشہ اپنے رشتے کے ساتھ مخلص رہے۔ ان کا ماننا ہے کہ اگر دنیا کے کسی بھی مرد کو اپنی شریکِ حیات کے ساتھ وفاداری کا سلیقہ سیکھنا ہو، تو اسے شاہ رخ خان کی زندگی سے سیکھنا چاہیے کیونکہ وہ ایک مثالی اور مخلص جیون ساتھی ثابت ہوئے ہیں۔ بالی وڈ کی اس مشہور جوڑی کی لازوال محبت سوشل میڈیا پر ایک بار پھر مداحوں کے دل جیت رہی ہے۔