ویمنز ٹی ٹوئنٹی ایشیا کپ: پاکستان کو شکست دیکر سری لنکا فائنل میں پہنچ گیا
دبئی: ویمنز ٹی ٹوئنٹی ایشیا کپ کے دوسرے انتہائی اہم سیمی فائنل مقابلے میں دفاعی چیمپئن سری لنکن ویمنز ٹیم نے پاکستان ویمنز ٹیم کو 4 وکٹوں سے شکست دے کر ایونٹ کے فائنل میں جگہ بنا لی ہے۔
دبئی میں کھیلے گئے اس اعصاب شکن میچ میں پاکستان ویمنز ٹیم نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 130 رنز بنائے۔ قومی ٹیم کی جانب سے نوجوان کپتان فاطمہ ثنا نے شاندار اور ذمہ دارانہ بلے بازی کا مظاہرہ کرتے ہوئے 47 رنز کی ناقابلِ شکست اننگز کھیلی۔ ان کے علاوہ اوپنر شوال ذوالفقار نے 24 اور گل فیروزہ نے 21 رنز کا حصہ ڈالا، تاہم دیگر بلے بازوں کی سست بیٹنگ کے باعث ٹیم بڑا اسکور بنانے میں ناکام رہی۔
سری لنکن ویمنز ٹیم نے 131 رنز کا ہدف اننگز کے 19ویں اوور میں 6 وکٹیں گنوا کر باآسانی حاصل کر لیا۔ جزیرہ نما ٹیم کی تجربہ کار بیٹرز نے ہدف کے تعاقب میں محتاط انداز اپناتے ہوئے اپنی ٹیم کو فتح کی دہلیز تک پہنچایا اور ٹائٹل کے دفاع کے لیے فائنل کا ٹکٹ کٹوا لیا۔ پاکستان ویمنز ٹیم اس شکست کے بعد ٹورنامنٹ سے باہر ہو گئی ہے۔