کورنگی ڈمپر حادثے میں بچے کی ہلاکت کا مقدمہ درج
کراچی کے علاقے زمان ٹاؤن میں گذشتہ روز 12 سالہ بچے کی ہلاکت کا مقدمہ درج کر لیا گیا ہے مقدمہ جاں بحق ہونے والے بچے کے چچا کی مدعیت میں درج کیا گیا ہے ۔ حمزہ کے چچا نے بتایا کہ حمزہ اپنے دوست کے ساتھ کھانے پینے کا سامان لینے نکلا تھا جس کی روڈ حادثہ میں ہلاکت کی اطلاع بھائی نے فون کال پر دی جس کے بعد ہم جناح اسپتال پہنچے جہاں حمزہ کی شناخت کی گئی ۔ حمزہ کی ہلاکت پر اہل خانہ غمزدہ ہیں ۔ہمارا مطالبہ ہے کہ واقعہ میں ملوث ملزمان کو گرفتار کر کے سزا دی جائے ۔