کراچی: کینٹ اسٹیشن کے قریب نامعلوم گاڑی کی ٹکر، پولیس اہلکار شدید زخمی
کراچی : کراچی میں کینٹ اسٹیشن کے قریب ایک تیز رفتار نامعلوم گاڑی کی ٹکر سے پولیس اہلکار شدید زخمی ہو گیا۔ پولیس حکام کے مطابق حادثے کے بعد گاڑی کا ڈرائیور موقع سے فرار ہونے میں کامیاب ہو گیا۔
تفصیلات کے مطابق، زخمی ہونے والے پولیس اہلکار کی شناخت برکت کے نام سے ہوئی ہے، جو گلستانِ جوہر تھانے میں تعینات ہے۔ واقعے کے فوری بعد زخمی اہلکار کو فوری طبی امداد کی فراہمی کے لیے جناح اسپتال منتقل کر دیا گیا ہے، جہاں ڈاکٹرز کی جانب سے انہیں علاج فراہم کیا جا رہا ہے۔ پولیس نے واقعے کا نوٹس لیتے ہوئے فرار ہونے والی گاڑی اور اس کے ڈرائیور کی تلاش کے لیے قریبی سی سی ٹی وی (CCTV) کیمروں کی مدد سے تحقیقات کا آغاز کر دیا ہے۔