پاکستان میں سونے کی قیمت میں بڑی کمی
کراچی: بین الاقوامی مارکیٹ کے زیرِ اثر پاکستان کی مقامی صرافہ مارکیٹوں میں بھی سونے کی قیمتوں میں زبردست کمی ریکارڈ کی گئی ہے، جہاں فی تولہ سونے کے بھاؤ میں 5 ہزار روپے سے زائد کی بڑی تنزلی دیکھنے میں آئی ہے
آل پاکستان جیمز اینڈ جیولرز صرافہ ایسوسی ایشن کی جانب سے جاری کردہ تازہ ترین اعداد و شمار کے مطابق، ملک بھر میں 24 کیرٹ فی تولہ سونے کی قیمت 5 ہزار 600 روپے کی نمایاں کمی کے بعد 4 لاکھ 56 ہزار 736 روپے کی سطح پر آ گئی ہے۔ اسی طرح، 10 گرام سونے کا بھاؤ بھی 4 ہزار 801 روپے سستا ہونے کے بعد 3 لاکھ 91 ہزار 577 روپے پر بند ہوا ہے
دوسری جانب، عالمی بازار میں بھی سونے کی قیمتوں میں مندی کا رجحان غالب رہا۔ بین الاقوامی بلین مارکیٹ میں سونے کی فی اونس قیمت 56 ڈالر گرنے کے بعد 4 ہزار 342 ڈالر کی سطح پر ریکارڈ کی گئی، جس کے براہِ راست اثرات مقامی مارکیٹ پر بھی مرتب ہوئے ہیں۔ [1]